مسافر تغييرة جو 3 أيام ان شاء الله أتمنى أرجع ويكون الوضع أهدء والجو أحلى نشوفكم لاحقا

البوست من مقعد الطائرة

ما بقى إلا القليل على تجهيز الشقة وبصراحة ودي أسافر جم يوم أغير جو شوية

صبحكم الله بالخير

ما شاء الله النشاط يقطر مني

توني ياي من المخيم سحتني برد

ولكن شور ساخن يسنع الأمور

هالأيام بلشت بأعمال تجهيز الشقة

تقدرون تقولون صرت مقاول صغير

اعمال تنظيف وصبغ وتركيب وفك

والله الصبغ شغل عدل

طلع ويه الشقة صج

وهذا انا اقوم من الصبح اروح اجابل العمال

وترا انا ادلع العمال اييبلهم ماي وعصاير وكاكاوات

لوول لزوم التركيز

بس لاحظت اني ما اييب جاي

والعامل عنده الجاي اهم من الخرابيط

اذا يبتوا عمال اهم شي بعد ما تغددونهم عطوهم جاي شوفوهم اشلون يصحصحون

والله يخلي محمد

والله شغل عدل صبغة

ما قصر

طلع الحبيب صابغ حق نص العايلة

ماكو احد ما يعرفة والله

صطرلي العايلة وبيوتهم وين

هههه

والله الالوان عاجبتني

طبعا مو اختياري الله يخليها طويلة العمر

اختارت كل شي

وانا بس اشراف واعبي البوك

واهداء لكم هالغنية عالصبح

يمد يده وسط الظلام الدامس

والبرد القارص

من تحت الحاف

ليتناول حاسوبه الشخصي ذو المواصفات العالية

والأداء الخارق والجبار

دوكي ترا مو دعاية لابتوبك

صباح الخير

هذا الي قاعد اعاني منه

من امس شغالين علي هالسبامر

لاحظوا الدقائق

ورا بعض ورا بعض

لوول لا والمبرمج المحنك معاذو حطالي سبام فلتر

لووول جان يزيدون السبامرية

السبام هو

أي نوع من الازعاجات, والمضايقات على الشبكة المعلوماتية غير المرغوب فيها, سواء كانت ايميلات أو تعليقات أو ردود في خدمات المحادثة. وأحيانا تكون هناك مواقع إعلانية مزعجة بحته, تقوم محركات البحث بالتعامل معها

توني ياي من زحمة مو طبيعية

بعد شوي دوام المرينا بعد

بعد توقف 3 ايام

يبدو انني بروح احلق اول دام اني  قاعد

هذي اكبر معضلة يواجهها المتزوجون حديثا

على قولتهم

تحصل الزوجة سهالات

بس تحصل شقة شق نفسك شق

والله صج

شنو شصاير بالدنيا

ادري السالفة فيها تعب

بس مو بالطريقة هذي ولا هالمعاملة

ناهيكم عن ارتفاع الاسعار

ولكن قلت  مو مشكله

اول شي اذا شافوك كويتي

شي من الاثنين

يا ان يقولك الشقة تأجرت

او يرفع السعر حيل

وهذا الي صار معاي بمجموعة من العمارات

العمارة سكانها من المقيمين ودخلهم محدود

مبين من السيايير وحالة العمارة

والناس نفسهم شفتهم

يقولي 600 دينار الاجار

عفوا عفوا

هذول ملوك عيل الي ساكنين عندك

نخلص من هالسالفة

ونرجع حق الشرط الازلي

لازم معاريس

يبه هالشرط سهالات

الي امر واكثر من هذا

الي يقولك شرط يكون مهندس او دكتور

خير شنو ؟!!

شنو هالشروط

ولا واحد من عيال رميثية

بقطعة 7 بعد لولا الحياء جان عطيتكم الإسم والعنوان بعد

يقولي انت كويتي

قتله اي نعم

جان يقولي لا اسمحلي اخوي الشقة حق اجانب بس

قتله ليش

جان يقول والله هذا شرطنا حق الأجار

ببساطه قتله كفو يا ولد ديرتي

وانا صاير ما عندي غير مكاتب العقارات

المواقع الخاصة بالسوالف هذي

و الوسيلة الأزلية جريدة الوسيط

وما زلت ابحث

بس ان شاء الله بحصل الي ابيه

واذا لقيت شي

يالربع عشاكم علي قولوا تم

على فكرة ما دريتوا

احم احم نازل 3 كيلو

لووول فشيت خلئي شوي قمت اضحك

ههههه يالله نشوفكم على  خير

اي على فكرة انا هالفترة لهيت لأني قاعد ادور شقة

ولكن رجعت لكم

تكلم كويتي

لوول بالكويتي الفصيح

ههه مو جنه مدونة هذي؟!

الواحد لما يكون مرفع والمزاج عالي يكون متعدد المهام

يعني اسمع اغاني واكتب واسجل بالنوت الي يمي

ولكن لما تكون مقفل حتى لما تاكل وانت تكتب راح تخربط

بس لا تفهموني غلط  مو قاعد اكل حاليا

ولكن كمثال بس

امس بالمرينا دخلت فيرجن ميغا ستور

وانا اشوف التوب سيلز مالوت الكتب

لفت انتباهي هالكتاب

ولا اثر الحبيب يترجم  الكلام الكويتي الي انجليزي

لول مو عربي لا كويتي الى انجليزي

بس تعالوا ضحكوا على  الحجي

بس والله مترجمينه بضمير

ونيس الكتاب

على فكرة ادري صاير ما اكتب وايد

بس حايشني احباط من البلوق

مو مشتهي اجابلة

ما ودي اسكرة بس هم مالي خلقة

الله كريم

والله الفنان القدير شعبان نكتة الله وكيلكم اليوم كان ياي المرينا وحاليا بالاستديو في برنامج الدوانية قعدت أسولف معاه والله قالي سوالف شكثر خصوصا السي دي مال المدينة الترفيهية إلي يرقصون فيه واحترق بالغرفة وناسه لما إشوف الفنانين بالواقع