milan vs cesena 3-1
milan vs cesena 3-1
Feb 19مباراة كبيره للروسنيري
ميلان انت الملك
والمباراة المرتقبه اسبوع الياي مع اليوفي
اليكم اهداف مباراة اليوم
والمميز هدف مونتاري الأول له مع الفريق وهو هنا يسجد شكراً
وهنا اجمل اهداف من مونتاري و ايمانولسون واخيرا مونتاري
فرارة مع الوالد
فرارة مع الوالد
Feb 19مساء الخير
كيف حالكم يا اصحاب؟
بخير والحمدلله
هههه ايام ها
اليوم كان دوكي على موعد مع أبا دوكي
الوالد الله يحفظه من الجيل القديم و من غير جيل بريك بعد
فها نحن هنا امره الساعه ٩ بالضبط حسب الموعد
لأن لو فيني خير اتأخر دقيقه
مريته ويآتي سؤالي الإسطوري
ها يبه من وين نروح
طبعا هنا يكمن السر
لا تسأل وين بنروح وكن فطيناً اسأل عن الطريق على طول
متعسف ولكنه ذو قلب طيب
لوول لا مو افنيوز ولا شركة ولا كافيه
اول مكان رحنا ندق اقامات حق الخدم
لوول بعدين خدمة المواطن كما هو بطبيعة الحال
وبعدين احدى محلات قطع الغيار لشراء مستلزماته لسيارة الوالد
و اخر شي نرجع الى مشواري الأساسي والي مسوين كل هالطلعه علشانه
رحنا حق نبدل قطعه بسيارتي و لازم الوالد معاي بحكم العمر والخبرة والميزانية للدفع احم احم
استغرق تسنيع السياره من الساعه ١١ لما ٢ ونص
في هذه الآثناء وبإختصار شديد
الوالد قام بعدة نشاطات
منها ان قمنا نسوي عمليات حسابيه لوول مادري ليش والبقيه تأتي
اولا -تحلطم على العامل و ناجره على شغله
ثانياً- حول الموجه علي ،تحلطم على السياره واني مهمل
ثالثاً-رحنا نشتري ماي من البقاله جان نعطيها صمونتين مشكل فلافل بالمره وبطل ماي وأثناء الاكل يردد الوالد كلمته المشهوره والله وردينا عزابية يا دوكي
رابعاً-نرجع حق العامل ،يكمل نجرته بعد ما اكل صحصح
خامساً- لوول هذي المدمره عاد بعد ما مشينا جان يعطيك الوالد سؤاله الجوهري (انت ليش ما تلبس حزام الأمان لما تسوق) لوول
سادساً-بطريق الرجعه شرينا هالكنار الطيب تقول تفاح مو كنار
يا ترى هل الكنار نقدر نقول عنه صغير التفاح يعني اهوه تفاح بس حاشه خلل جيني ما خلاه يكبر
سابعاً- الوالد: اول ما نوصل سو تلفوني ودز مسج حق فلان و ضبط الواتساب واطبعلي ورقه
وصرنا نحجي بالواتساب بعد
شكراً
عفواً
Ek Main Aur Ekk Tu
ولكن ما تصك على فلافل شرف طبعا
Ek Main Aur Ekk Tu
Feb 19حد فاهم حاجه؟
مسا الخير
كيسا هيه
هاو ار يو
كومو سافا
احوال شوما
ممم شنو بعد نعرف لغات اجنبيه
لوول بس كافي اعتقد اخرها كيسا هيه
منذ ان تزوجت وانا اذهب لمشاهدة الآفلام الهندية
لوول مو طيبا مني طبعا
احم احم لا تسمعك
والله كان فلم ظريف لا بأس به
تغديت من فلافل نادية كما هو في طبيعة الحال
من اشهر الفلافل التي عرفها وجه دوكي
مكانه في مجمع الثلاث اميه وستين كيلو بالساعه
الشورما اول مره اجربها عنده لذيذه
ولكن تبقى الفلافل كما هي معهوده الذ والذ
ولكن ما تصك على فلافل شرف طبعا
هنيئا لك دوكي
وهنيئا لكم انا يالربع
وهنيئا لنا الكويت
واحلى شراب بارد منعش عالأريكه
هذا والسلام عليكم ،رحمة الله وبركاته
زيارة للجامعة
فجلست العب السوني واستمع الي ذلك المغني الي مدري وشتسمونه
زيارة للجامعة
Feb 17مسا الخير القراء العجيبين المميزين الممتازين الحبوبين
لوول انني لست اساحلكم وانما اعبر عن اشتياقي لكم
هكذا هي الحياة
الحياة دول ان لم تآكل قدر ما شئت طافك نص عمرك
اعترف بحق وحقيقي ان صارلي اسبوع مخربها
واقرب مثال كان امس
ولكن قريبا ان شاء الله سأبدأ بتقنين هالشي
احم احم نرجع للحوار الكويتي الديكاتي
وهذا واحد يطق باب الجيران ان شاء الله يفتحونله
ويالربع تره تخرجت الحمدلله
وكيبورد الماك شلخني
المهم
امس مريت الجامعه لتصوير مشهد لفلم قصير وكذا
اجل اجل وصلتني هبة وكذا انا ايضا
وعاد هالباب الي مو راضين يفتحونه ترا والله اطلع اخذ اكلهم واقطهم على على صخر
عاد اقولكم رحنا صورنا عند النافوره اسرع سريع
جو الجامعه ما زال مميز وهنيالكم يالجامعيين
لوول ولكن مو معناته ابي ارجع صدقوني انا ما صدقت اخلص
وبعد يومي الجميل ترجع للبيت وتعمل الميني برجرز خاصتي
انها حقا لذيذه
فجلست العب السوني واستمع الي ذلك المغني الي مدري وشتسمونه
الا الا هو هو ملك البوب مايكل ولد جكسن رحمة الله عليه
Milan vs arsenal
Milan vs arsenal
Feb 15اليوم مباراة الميلان مع ارسنال
المباراة لها اصداء كبيرة ولهذا تم عميل اكثر من برومو تقديمي للمباراة
وهذا احلى واحد
واتمنى التوفيق للميلان
سفرة قصيرة
سفرة قصيرة
Nov 23مسافر تغييرة جو 3 أيام ان شاء الله أتمنى أرجع ويكون الوضع أهدء والجو أحلى نشوفكم لاحقا
البوست من مقعد الطائرة
لمسات الشقة قبل الأخيرة
لمسات الشقة قبل الأخيرة
Nov 12
ما بقى إلا القليل على تجهيز الشقة وبصراحة ودي أسافر جم يوم أغير جو شوية
